呂方3月9日同10日喺紅館開演唱會，幾個鐘頭已賣出八成飛，噚日佢去電台宣傳，宣布喺3月11日加開一場。呂方話會為演唱會排舞，佢話：「我跳《忘情森巴舞》囉！我有諗過請草蜢做嘉賓，睇佢哋得唔得閒啦！」對於老友林珊珊患病，問佢同女友鄭裕玲有冇定期做身體檢查，呂方話：「我一、兩年驗一次，好正常都幾好。我估珊珊冇事嘅，早發現應該冇事。」