天水圍16歲毒品女拆家落網，元朗區議員張賢登對事件並不感到詑異，因為區內學生吸毒及販毒的情況確實存在：「過去見過學生濫藥、吸毒，甚至為毒販帶毒，大部份青少年為錢，自己食之餘，帶埋又有錢，所以容易被毒販利用。」張說，曾有調查報告指，區內每六名青少年，就有一人表示身邊朋友曾接觸過毒品，情況不容忽視。
曾在天水圍做過數年社工的邵家臻指，天水圍等新發展市鎮，一向是黑社會拓展勢力的重點區域，黑幫滲入學校的情況十分普遍：「佢哋唔理你醒目定係蠢，係學生都收咗先，之後再慢慢揀。」
「初中生會為少少錢做」
事件中的少女拆家，旗下有20多名少女受其差遣運毒，包括送毒品往西九龍區的娛樂場所。邵家臻相信其組織甚為鬆散，原因是黑社會近年大多採取「易入易出」的手法，以吸引學生參與不法勾當：「你可以選擇幾時參與，佢哋都怕迫得你太緊要，你會反咬佢哋一口。啲學生覺得仲有自主權，就冇咁抗拒去做呢啲非法嘢。」
在天水圍一中學就讀的中四女學生「阿恩」說，早前曾聽聞有低年級學生被不法分子招攬協助販毒：「詳情唔係好清楚，好似專係搵啲初中生幫手，貪佢哋夠低能，同會為咗少少錢做嘢。」
新聞資訊研究組