究竟怎樣去釐定一個藝人的受歡迎程度？任何演出均爆滿、電影有份客串、管弦樂團找他crossover、甚至是街上影碟舖播着他幾年前的演出，都能惹來市民駐足欣賞，能夠有這種吸引力的就是詹瑞文。
詹瑞文近年成為香港市民心目中的頭號搞笑人物，雖然他演舞台劇出身，但近年來不少導演都會找他客串電影，從而令不少觀眾對他的認識加深。由他個人演出的OneManShow《男人之虎》備受好評，接着再來一套《萬世歌王》同樣大受歡迎，3月份還三度公演，對於自己的演出均獲好成績，阿詹揚言壓力不小。
與時並進不自滿
詹瑞文說：「作為一個舞台演出者，我覺得一定要不斷帶到新鮮感畀觀眾，唔可以因為上次個演出好、多人讚就唔改變做番同一樣嘢，一定要與時並進，唔係觀眾就會覺得你out。」
對於越來越多觀眾喜愛自己，阿詹自覺受寵若驚，他說：「當初拍戲嘅人都會奇怪呢個人究竟係乜水呀，觀眾對我嘅認識加深咗，之後就有一部份人因為睇過我嘅戲買飛去睇我嘅騷，呢批觀眾一次比一次多，發展到𠵱家好多人喺街見到我，都會叫我講個笑話嚟聽吓先，大家感覺好friend。」
有潛質惜冇耐性
除演員外，阿詹另一身份是教師，有不少圈中人都會向他學師，他說最難過是見到很多有潛質的人放棄，他說：「我見到好多嚟學戲嘅人或者以前一齊返學嘅同學，當中有好多好有潛質，但佢哋就係缺少咗一份堅持同耐性，佢哋演出一兩次見到好似成績一般就放棄咗，如果佢哋肯捱嘅話，一定有好好嘅成果。」
採訪：李珮洳 攝影：陳俊強
