當今足球博彩賭盤項目眾多，但「入球大細」仍然係華度睇波時最愛出擊一環。尤其從呢項延伸出嚟嘅「大細」走地盤，希望馬會方面，未來亦可以更加推陳出新，同其他即場投注玩法睇齊。
同「讓球」或亞洲盤一樣，「入球大細」中同唔中，都係二分一機會，筆者跟唔少球迷一樣，心理上首先覺得中嘅機會，已經大過3揀1嘅「主客和」；如果玩走地式盤口，更加唔會好似「主客和」咁，強隊領先之後，賠率已經變得乏味如雞肋。
好似正喺吉隆坡進行嘅「老虎盃」（即東南亞盃足球錦標賽），電視有直播，外圍亦無放過呢個機會，為各場賽事開出「大細」走地盤，「球數」隨時間及比數變化而作變動，所以賠率就點都有個譜，據聞重好受歡迎㖭。不過，足智彩就冇得玩，相信又大嚿錢跌咗落去班外圍莊家手上。
睇準時間押「即場波膽」
其實𠵱家足智彩喺某啲直播場合，提供嘅「半場入球大細」，都算滿足到華度所需；身邊唔少朋友都成日聽到，華度叫買下半場「1:1」波膽，即係將上半場比數，兩邊各加1球，睇時間出擊「即場波膽」。呢個唔係乜嘢永恆必勝法門，起碼叫做常見；「半場入球大細」就可以喺華度唔貪賠率嘅時候，中場休息時落番注起碼有近兩倍或以上嘅「大」，最近就頻頻得手嘞。
文：華度