【巴黎直擊】女人愛shopping的程度真是不可小覷！近期忙於為碧咸在美國洛杉磯搵屋搬的碧咸嫂Victoria，近日已經飛身到法國，出席Armani店開幕。雖然事先張揚Victoria會捧ArmaniPriv囗show，但她因為到名店Herm囗s掃貨而缺席。以Victoria的熱情與效率，相信無論搬到地球哪一個角落，都阻止不了她使錢。
巴黎HauteCouture時裝騷舉行得如火如荼，球星碧咸（DavidBeckham）妻子Victoria早前忙於幫老公揀大屋，忙到一頭煙，忙完家事，即由洛杉磯飛到法國睇時裝騷。
意國大師GiorgioArmani一連三晚有活動，第一晚巴黎新舖開張，第二晚（即香港時間昨日凌晨）在16區的現代博物館舉行ArmaniPriv囗Show，第三晚會推出星級潤膚乳液CreamMera及首個男裝護膚品。Armani開新舖那晚，碧咸嫂和閨中密友湯告魯斯太太姬蒂荷姆絲（KatieHolmes）齊齊孖住出席，兩人更以全黑姊妹裝上陣。
第二晚的時裝騷，事先張揚這對星級阿嫂會繼續捧場，豈料兩人到開場都未見現身，原來愛使錢的Victoria，最後決定帶老友往瘋狂購物，逛名店Herm囗s。
卡塔布蘭切捧場
雖然碧咸嫂和湯嫂均甩底，Armani仍有《巴別塔》女星卡塔布蘭切（CateBlanchett）、《凹凸容醫》（Nip/Tuck）女星KellyCarlson等明星撐場。碧咸嫂掃完Herm囗s，意猶未盡，轉軚去了欣賞現任Herm囗s創作總監JeanPaulGaultier的個人Couture騷，沒有湯嫂相伴的她不愁寂寞，有美國雜誌高層作伴，全程戴住黑超的她大騷其巨星太太風範。
採訪：LeungKamChing
攝影：RickyChan
