有「新巴廸高」之稱嘅阿根廷前鋒卡雲拿基，終於唔使再喺俄羅斯捱咁凍嘅天氣，日前佢由俄超莫斯科斯巴達轉會到法甲波爾多，簽約4年半。呢位前河床射手出道嗰陣入球率高，加上又係有把長髮，所以被喻為新巴廸斯圖達。當年卡雲拿基突轉投俄超，好多球迷都𢱑爆頭覺得佢點解要捱凍，𠵱家過法甲搵食，起碼唔使成日喺雪地踢波，安樂晒啦。