意大利一名生產農業工具嘅老闆，很可能喺季內完成收購意甲球會帕爾馬嘅交易，但該筆費用只係平到跌渣嘅2,400萬歐元（約2.4億港元）！想當年，帕爾馬賣走一個基斯普都賺到逾5,000萬歐元，仲未計華朗、奧廸加、簡拿華路等球星，𠵱家成間球會賣俾人都唔夠半個基斯普；呢壇嘢實在令我求大俠想起前財政司梁錦松名句：「有咁耐風流，有咁耐折墮！」