由陳可辛導演、劉德華同李連杰等合演嘅《刺馬》正喺內地趕拍，有報道話日前劇組喺河北收工途中，攝影師嘅車同村民嘅車發生碰撞，兩車人口角後村民仲包圍劇組車隊，將車窗玻璃全部打爛，仲打到其中一個攝影師重傷，拍攝被迫暫停，陳可辛接受訪問時就話：「一小時內收到了幾十個電話，但停拍係子烏虛有，今日五個攝影師都喺度開工。劇組的確有工作人員同村民有磨擦，但傷勢唔係太嚴重。」