無拘無束原是着拖鞋的精神及靈魂所在，但一款據說是產自日本的新款拖鞋，卻虛以其外表作招徠，儘管其「毛毛」將整隻腳掌包裹得密密實實，天氣不冷時準有腳汗焗出來，可說是完全違背了穿拖鞋的真義，居然還贏得網民的歡心，「對鞋個樣真係型爆！睇到我呆咗。」
「哈哈，唔知喺街度着會點。」思子仔回應網友說：「Woo，着住佢，型！」火．烈燄則認為「幾靚呀，啱晒冬季着，可以保暖，不過美觀方面就差少少囉。」
「唔知香港邊度有得買呢？整番對玩吓嘛！」網民也真神通廣大，wingjoejoetang居然就接着說：「我喺旺角見過，好似潮流特區或瓊華商場，如果大家想買就留意吓囉。」pig_45也和應說：「響旺角花園街度見過啦。」