口花花反而未必有膽闖情關，吳嘉龍曾揚言有意追求名模AnaR.，前晚兩人出席化妝品牌活動時碰頭，吳嘉龍細心地為AnaR.塗唇膏，女方也表現風騷，電力十足。吳嘉龍在記者面前大讚AnaR.是魔鬼化身，但他其後卻怕醜仔上身，臨時縮沙尷尬地表示不會追求對方，認真失威。
吳嘉龍（Carl）前晚以嘉賓身份現身中環夜店Mint，出席Lancome化妝品活動，並為城中三大名模熊黛林、AnaR.及姚書軼（Mikki）紅唇添妝。Carl悉心地為三人塗紅唇，他早前曾於公開活動上揚言有意追求因情傷暴瘦的AnaR.，前晚他為對方塗紅唇時卻小心翼翼，面對表現風騷、電力十足的AnaR.，Carl怕醜仔上身，未敢正視對方。
Mikki紋身防失蹤
問Carl對於三位靚女的感覺時，他發揮口花花本色說：「熊黛林嘅眼神好innocent（天真無邪），Ana就係Devil（魔鬼）化身，Mikki就好誘惑。」記者笑他會否對三人有興趣，Carl即尷尬地改口風說：「梗係冇。」
Carl還自爆童年陰影，他說：「我細個12、13歲時，兩個家姐喺屋企忽然綁起我，要我着件長tee扮裙，又幫我化妝，畫smokeyeyes，好punk，仲影埋相。𠵱家我啲家姐間唔中都拎啲相出嚟威脅我，要我幫佢哋做嘢。」
此外，Mikki前晚畫了玫瑰紋身於左胸當眼位置，她說：「其實我以前曾經有衝動去紋身，因為幾年前海嘯，我忽發奇想同男友提起我紋咗身，有事都會有人認得我。」
採訪：GeneNg
攝影：ChanChiLam
