【本報訊】身兼曾蔭權競選經理的東亞銀行主席、立法會議員李國寶已開始向商界埋手，呼籲各界友好捐款助選。雖然商界一定會應中央要求捐款挺曾，但商界態度「外熱內冷」，對曾蔭權未投下百分百信心，預料今年募捐會較往年困難，來自商界的自由黨主席田北俊坦言，商界對李國寶05年過度募捐有微言，笑指「今年睬佢都儍」。
有商界人士透露，李國寶已四出向人募捐，但不少商界人士對曾蔭權施政有意見，尤其不滿曾的政策仍向某些地產商傾斜，為免曾「過咗海就係神仙」，今次不會再像去年般毫無保留自動獻身，增添李國寶募捐難度。
不滿05年過度募捐
田北俊昨稱，李國寶不應向商界募捐過多款項，認為約近950萬的選舉經費上限已經足夠：「明明叫你籌950萬，你就籌咗成2,000幾萬（指05年特首補選）；好多商界朋友都有問：喂，你搞邊科呀？又唔見你東亞銀行要集資950萬時，你會集資咗成2千幾萬？然後將筆（餘）錢捐晒去公益金。」他暗示富豪不甘被曾蔭權「攞彩」。
田續批評，「唔係籌得多錢，就愈騷到quali（實力），騷quali應該係管治能力方面。寶baby係狼過頭。」被問及今年會否捐獻，田最初稱「今年睬佢都儍」，後來補充或許捐款數目與05年一樣，即每位黨員各捐1萬。
向與曾蔭權不咬弦的田北俊更預告，3月25日特首選舉未必投票。