宋承憲上月中去完東京，前日佢現身大阪關西機場時，一樣人頭湧湧，吸引3,000幾名日本師奶追星。噚晚佢同鄭俊浩、安七炫等出席喺大阪舉行嘅「IVI慈善音樂會」，音樂會門券收入會全數捐畀日本IVI疫苗基金，協助研發新疫苗，對抗新興病毒，前日鄭俊浩喺記者會度就話：「雖然韓流熱潮已減退，但我們有責任幫助社會。」