【本報訊】曾蔭權「偷步」到競選辦巡視，遭全城狂插，身兼其競選主任、專責為他籌款的東亞銀行主席李國寶昨試圖為他開脫，指曾抽空半小時到競選辦為職員「打氣」沒有問題，舉例指「如果有時肚屙要去一去廁所，都要幾分鐘啦，唔通你又話佢無做嘢呀？」
「去一去都幾分鐘啦」
李國寶昨天指，曾蔭權乘坐特首專車到競選辦，只是按警方的保安要求，曾到場半小時亦旨在為職員打氣，無甚不妥，「佢（曾）朝早一起身到夜晚瞓覺，都係為香港人做事；如果抽大約半個鐘去睇office，又有乜錯呢？如果有時肚屙，要去一去廁所，都要幾分鐘啦，唔通你又話佢無做嘢呀？」
李國寶又透露，曾蔭權是依市值租用東亞物業作競選辦，指「佢無着數㗎」、「（因為）銀行都要賺錢，我都要向股東交代。」雖然未為選舉募捐設下目標，但李國寶認同「越多越好」，又直認一如自由黨主席田北俊所言，在籌錢問題上「我好狼㗎」。
李國寶稱，一旦募得超過950萬元選舉經費上限，餘款便會捐給公益金，目前已經有不少朋友致電自己，表示要捐錢給曾蔭權；但由於曾蔭權尚未宣布參選，因此未開展募捐工程，「等Donald吹咗雞，我咪起手跑步囉。」