最近玄學界掀起一場罵戰，邊個堪輿學家無料當然唔到我哋評論！不如講觸發點──豪宅廣告。話說個豪宅廣告搵咗9位堪輿學家講樓盤嘅風水，仲講到天上有地下無咁，網友點睇？好多網友就笑班堪輿學家，Meoi話：「一兩個師傅講都無咩問題，點知咁多師傅講，我就覺得弄巧反拙，好好笑！」講老實，足本版有3分鐘，的確Over咗啲！網友由情生愛話：「有個話住嗰度嘅大富大貴，條友講廢話。」咁又係千幾二千萬一棟House，買得起嘅梗係有錢人，鬼唔知阿媽係女人咩！又有人話三門仔都好多人住喎，又唔見住嗰度嘅人發咗？最中肯都係網友鄭小班：「將李嘉誠間屋畀你住，你始終都係自己，所謂一命二運三風水四積陰德五讀書，命係天定，讀書靠自己，其他三樣嘢都超出自己嘅控制範圍，信得多死得多！」各位明未?!
記者：區佩嫦
網址： http://www.discuss.com.hk/viewthread.php?tid=3098937&extra=&page=1