中國人有句話叫虎父無犬子，但歐洲球壇名宿之後大都寂寂無聞，難繼父業。曼聯領隊費格遜個囝囝戴倫，以球員兼領隊身份執教英乙球會彼德堡，我求大俠當時心諗老費應該老懷安慰啦；誰不知，34歲嘅戴倫原來冇乜主見，佢話到明會乜都會問吓老費意見，希望行到條好路喎；我求大俠都同戴倫講句，大個人喇，係時候自己做吓決定！