樸茨茅夫嘅車路士借將後衞格連莊臣，之前因為喺店舖偷咗塊厠所板俾警察拉咗，仲罰咗80鎊（約1,240港元），我求大俠真係唔明佢有成30,000鎊周薪，點解仲要撻嘢。最搞笑係格連莊臣第2日即刻比隊友玩，佢哋喺格連莊臣嘅儲物櫃擺夠兩塊厠所板，實行寸到佢應一應。如果格連莊臣今次係衰偷錢，班隊友會唔會塞嚿錢畀佢呢？