鄭嘉穎昨晚右手打上石膏往銅鑼灣為電影《粉絲王》製作特輯開工，問到為何受傷，他昨晚接受電話訪問時說：「我噚晚（即前晚）返屋企上樓梯時，因為冇開樓梯燈，唔小心差錯腳結果用拳頭撐落地，但噚晚冇去睇醫生，而今日下晝我約咗個喺新加坡返嚟香港嘅朋友飲茶，佢見到我隻手腫晒，佢話啲瘀唔散，可能會斷骨，我之後就去醫院照X光，果然係斷咗骨，醫生話要打石膏三至四個禮拜，等啲骨生番。」
續問鄭嘉穎會否影響工作，他稱：「呢排忙緊拍電影，希望唔好影響進度，但自己都未知，我淨係問醫生幾時可以打番波，醫生話要兩個月之後。」
採訪：馮美茵 攝影：陳慧安