日本漫畫《名偵探柯南》嘅電視動畫喺當地播放超過10年依然人氣不減，喺香港同樣擁有不少擁躉。電影劇場版《名偵探柯南：偵探們的鎮魂歌》今日喺香港上映，導演山本泰一郎接受訪問時大讚電影版故事雖較為複雜，但節奏明快，必定能滿足一眾柯南fans。故事講述柯南同好友受神秘委託者邀請，去到日本巨大城堡「MIRACLELAND」，意外墮入咗驚天陷阱！