以前啲阿媽會將個仔上契畀觀音、天后等，祈求以祂的威靈來庇佑細路仔，令到佢可以無災無難咁健康成長，𠵱家雖然少啲，但一樣有人咁做！究竟點樣契神呢？據方海閱師傅話，契神前先要認定一位神靈，好似水上人多數契天后娘娘、想財運好就契趙公明，揀好後就要擇個同細路仔無相沖嘅日子去廟度上契啦！到廟時將細路嘅父母名、細路仔個名及出生日期及住址、許願內容等寫喺黃紙或紅紙上。然後奉上上契物品（新嘅衫、碗、杯、筷子、匙羮、柏葉和米）及祭品（果品、齋素、生菜、糕點等），跟住上香參拜。返到屋企，換上新衫，將柏葉放喺枕頭底，然後把米煮成飯或粥，跟住用新碗筷等進食，咁上契儀式就完成，細路仔一生都會得到契爺或契媽嘅庇佑。
記者：區佩嫦
網址： http://failforum.net/forum/viewthread.php?tid=438741&extra=page%3D1