何韻詩噚日接受商台電話訪問，對於有指佢喺個唱上唱兩首斷背歌係公開性取向，阿詩話：「我嘅性取向唔覺得值得咁嘩然，我唔係賣私生活。」至於有消息話佢同鄭秀文、楊千嬅爭做東亞一姐，阿詩話能夠同佢哋相提並論已經係誇獎，仲自爆有同鄭秀文通電話：「佢係個好長氣嘅人，佢好錫我，時不時打電話鼓勵我。」