曼聯周日喺尾段連失兩球反輸阿仙奴1:2，睇番佢哋球員嘅平均年齡成28.3歲咁大，抵紅魔畀阿仙奴明寸淨係識得踢70分鐘好波。曼聯陣中老鬼好似史高斯、軒歷拿臣、傑斯同加利仔全部過晒30歲，尾段唔莫氣先奇。英國仲有一項調查指出，今季曼聯有46%失球出現喺比賽最後20分鐘，想唔認老都唔得啦，睇嚟費Sir快啲諗諗計先得喇。