不如禁播
張婉婷 《秋天的童話》導演
「如果要刪除（粗俗對白），不如索性禁播，廣管局咁做簡直係擾民，剝削電影創作空間。」
突然瞓醒
劉偉強 《無間道》導演
「呢部戲成20年前啦！以前電視都播過幾次，又唔見廣管局要咁做，一有人投訴就好似突然瞓醒覺，為咗個投訴，影響到電影創作。」
只聽片言
莊澄 寰亞電影公司負責人
「因為幾個投訴，就話以後電影喺電視播唔可以有粗口對白，咁點解以前又得呢？（廣管局）只係聽一面說話，係咪對電影業界有欠公平呢？」
漠視影響
楊千嬅 演員
「民間聲音固然要留意，但電影業界嘅聲音一樣應該重視，我覺得廣管局係咪應該先了解咁做會對電影工業有幾大影響呢？」
