約四個月前，陳小姐用了40元從小西灣南灣半島百佳購得兩塊鱈魚扒，以為連鎖超級市場的產品品質定有保證，豈料卻換來「一底褲都係油」的尷尬場面。她說：「第一次食完之後屙到成個廁所都係油，第二次食完，啲黃色嘅油亦不斷咁流出嚟，完全控制唔到。」
對於百佳強調產品已標明是油魚，以及進食後可能引起不適的警告字句，陳小姐堅稱當時購買的魚扒被標籤為「藍鱈魚」，有散裝及盒裝，沒有任何標示指進食後可能不適，「如果有咁寫都唔會買啦」。
痛斥百佳無良心
陳小姐一家三口進食後，都有「屙油」或「流油」的情況，但未有求醫，「從來冇諗過係百佳啲魚有問題，以為自己受唔到咋。」
她又狠批百佳出售的產品品質低劣：「佢哋好冇良心囉，啲魚又唔係平，已經壟斷市場㗎啦，焗住我哋要幫襯佢啦，仲要賣埋啲咁嘅嘢，消化唔到㗎喎，咁樣賺錢真係好折墮。」被問及會否再向百佳追究，她無奈地道：「冇得同佢鬥。」
網友肚瀉但無痛
有網友在《YAHOO！知識》內指食用懷疑油魚後不適：「吃了一客鱈魚飯第二天開始排油到現在，又沒有肚痛或肚瀉。」
曾誤吃油魚的台灣網友丫頭亦說：「現在我連放屁都會有油跑出來，該怎麼辦才好？」
本報記者