胡杏兒與黃宗澤的地下情傳來傳去，都未得當事人承認，前晚堪輿學家楊天命直指杏兒有暗桃花，有人追但她不會公開戀情，還說追她的男士皮膚黑、身材高、短髮及運動型，看來與黃宗澤頗相似，可真是緣來沒法擋！
胡杏兒與黃宗澤傳了緋聞許久，向來是公認的一對，惜二人一直不願承認戀情。
前晚杏兒到上水廣場為「百豬朝聖發財皇宮」裝飾揭幕，她戴着一隻大金豬牌頸鏈示人，在場大派金豬朱古力，又獻唱《豬小姐》娛賓，吸引近百市民圍觀。
拍拖會收埋
大會請來堪輿學家楊天命為杏兒算命，楊天命直指她行暗桃花，有男士追求，楊天命說：「佢份人拍拖會收埋，個男仔係高嘅，運動型，膚色黝黑，短髮。杏兒同屬豬、牛、鼠嘅異性夾啲，佢份人唔會閃電結婚，喺事業嚟講，今年有獎攞，上年因為缺乏信心囉。」楊天命所指的男士外形，與黃宗澤的確十分相似。
不過杏兒卻說十分期待有人追，她說：「咁可以畀啲新嘢大家寫，唔好寫嚟寫去都嗰個，我怕冇人要呀，我對sporty嘅男仔都有好感呀。」問到黃宗澤是否屬上述生肖之一，杏兒說：「冇佢份呀，嗰幾個生肖一係大我好多，一係二十歲出頭，我想揀個大過我，唔想變老藕，圈中屬鼠嘅我只識趙文卓，遲啲結識朋友嗰陣，行埋嚟就問佢係乜生肖先。」
認缺乏信心
談到去年失無綫台慶最佳女主角獎是因沒信心，杏兒說：「都啱，我今年冇劇，但都要做人有信心，我平時都有睇風水，放咗啲石春喺屋企，我諗我會聽師傅講，喺財位、桃花位同事業位放啲擺設先。」
採訪、攝影：李珮洳
