「如果有女仔追你……」AV小隊長昨日徬徨地向網友求救說，最近有個女孩在自修室主動「寫紙仔」將自己的MSN給他，但他自覺這個女孩的條件太好，擔心自己「襯佢唔起」。男網友紛紛獻計，但小隊長仍感迷惘。
網友suey首先問：「條件好嘅女仔唔係應該好多人追㗎咩？」小隊長坦言「我都係咁覺得，所以我先怕做咗儍仔俾人玩玩吓。」suey隨即說：「佢追得你，梗係覺得你有樣嘢好先會咁做。」小隊長就說：「但係我自問真係無樣嘢夠佢好，都唔知佢鍾意我乜，就算一齊都好似好高攀咁。」
人如其名的小淫賊說：「我話你知，女人送上門，係好玩好多嘅，因為你有絕對優勢！」腦魔二世和鬚根都分別支持「去馬」，「你試吓約番佢食飯睇戲，睇佢咩反應再行動。」「你主動啲先啦，既然佢對你有意，好容易追嘅啫……直接啲同佢傾多啲偈！跟住約出嚟玩示愛，搞掂！」
不過，小隊長還是猶豫不決，「根本好似兩個世界咁，都唔知同佢講乜好，喺佢面前我簡直就係啞咗。」