M12016:9影片
今日人人都講高清，有個LCDTV、PS3、Blu-ray、HDDVD機之後，下個標準又係咩？梗係將用咗好耐嘅DV機Upgrade吓，雖然能拍出高清質素嘅DV機仍然係天價，不過至少都要出到16:9畫面，等駁番去LCDTV睇可以有闊屏幕大電影效果，Canon即將推出嘅MD120就幾啱我要求，具備特別拍攝模式，可以拍出16:9高解像度電影，加上機身唔算大部，去旅行或節日拍攝就相當合適，具備嘅35倍光學變焦鏡頭，雖然未講得上最強，但配合Canon本身嘅EIS影像穩定系統，可以好輕鬆就拍出質素唔錯兼穩定影片，不過亦有要彈嘅地方，感光元件只用80萬像素1/6吋CCD，影出來影片質素總覺差些少。
DC51500萬像素DV
另一部DC51就比較着重影片質素，佢係首部真正500萬像素DVD攝錄機，換句話講睇片時能拍到更多「內容」，畫面更清楚，對已經擁有高清電視嘅用家，相信一睇就可以分出高下。由於感光元件去到500萬像素，對記憶體要求都更高，所以用上DVD燒錄方式，支援DVD-RL雙層燒錄，能長時間拍攝同時，要換碟拍攝亦好簡單方便，而變焦方面，DC51只有10倍光學，𠵱家講嘅唔係DC，以DV來講就真係細咗啲。若對變焦能力要求較高，亦可選另一部同樣係DVD-RDL燒錄嘅DC210，有35倍變焦，不過感光度只有80萬像素。
查詢：Canon（21702888）
記者：許福合