秦海璐憑在電影《父子》中的六分半鐘戲份，竟然力壓該片女主角楊采妮入圍香港電影評論學會最佳女演員提名名單，本報就此在將軍澳進行街訪。 W先生：秦海璐喺部戲入面冇乜特別，冇乜突出表演機會，印象都唔係好深刻，冇演技可言，佢可以提名女演員獎係會有啲愕然。 張小姐：我覺得唔係太合理，唔係佢獲得提名，我都唔記得佢有份做呢套戲。 王小姐：秦海璐喺《父子》入面嘅角色，其實換上邊個演員去做都得，反而好戥楊采妮唔抵，佢喺戲中同城城嘅一場床戲拍得好投入，相對嚟講楊采妮戲份點都重啲同有發揮多啲。