老友記眼瞓魚十年前回歸祖國，落地北京，大伙兒大惑不解，為何有港人不做，要當港燦？正所謂早上大陸的雀仔有嘢食，遲上大陸的雀仔冇嘢食，眼瞓魚咁早上大陸，所以搵到食，更已成為一位京城通，駕着車逍遙來去，是咱們港澳同胞兄弟手足們的駐京辦，在北京有眼瞓魚作伴，不愁寂寞。
三年前眼瞓魚已勸我在北京置業，可惜小弟出名船頭驚鬼，船尾又驚鬼，當年猶豫不決，今天樓價已倍升，只得徒呼呵呵，唔係我財唔入我袋。眼瞓魚仍然對北京房地產大有信心：「奧運期間將停止起樓，樓宇供應將出現兩年斷層，現時在北京朝陽公園地段，大約等於紐約的中央公園附近，優質豪華公寓大約二萬多人民幣一平，即約港幣二千到三千元一呎，須知北京肯定是世界上最重要的城市之一，試問紐約、東京、巴黎、倫敦的市區優質呎價若干？北京的樓價肯定有大幅度增長潛力，若然不是國家已實行一定措施，例如五年內賣樓得付高昂稅款，樓價一早便已衝破天了。」眼瞓魚的一番解說講得合情合理，大伙兒聽得幾乎拍爛手掌，「不過，」眼瞓魚補充，「跟香港一樣，若是買就得買那些地段好的優質樓，可建普通樓的地皮多的是，優質的則買一間少一間。」
大勢所趨，今後到北京的機會將會很多，在北京置業確實是一件可以考慮的事，況且租金回報亦理想，唔，看來除了在北京洽商、探情報、吃喝玩樂之外，還得撥些時間，組隊睇樓去也。