早已成為車主嘅你同我，眼見近期國際油價不斷向下調整，日前更跌穿每桶50美元關口，但本港嘅油公司似乎仍不為所動，繼續將油價企穩每公升超過$12，搞到唔少揸車人士都「牙痛咁聲」；反而各大汽車代理卻在加價前大聲疾呼，叫大家想筍價買車就要趁早，如果遲咗就無辦法咁話！
點解我會咁講？事關最近收到風，話BMW代理因為歐元兌港元嘅滙價日日攀升，搞到要喺3月左右加價喎！聽完之後就梗係打電話畀佢哋求證一下，而佢哋嘅市場部大員亦大方地承認有其事，所加嘅幅度仍在草擬中，故暫時未可以向大家公布，但肯定嘅會係全線BMW車系都會受呢次加價影響，所以如果大家有興趣買車或者換車的話，就要快手行動，免得3月之後要捱貴車吖！係咪？
記者、攝影：鄭達基