近日唔少家庭觀眾打電話入嚟報喜，話中咗好多條過關，但就呻呢排輸咗好多錢嘅亦大有人在。講真，手風順嗰陣就不妨小注怡情；唔多順就要避一避；尤其𠵱家差唔多日日都有開盤，若果場場都買，輸嘅機會相對會高。足球係漫長嘅，千祈咪孤注一擲。
相信大家會認同屈福特今季嘅表現好明顯「唔夠班」。佢哋係典型以體力同壓迫性踢法球隊。不過由於整體人腳實力一般，好多時只能靠體力喺半場先守和，去到賽事末段，體力唔夠下就輸波。暫時佢哋聯賽加埋盃賽總共踢咗26場，其中有17場半場和波，呢個機會率有6成半，所以揀半場和係一個唔錯嘅選擇。
布力般流浪向來以爛打見稱，佢哋嘅踢法同屈福特都好相似，不過就係高級版。比較起嚟，整體人腳有份量啲，把握力唔錯，對住同級或較強嘅球隊都未驚過。今場兩隊同類型球隊碰頭，大有機會上半場和局收場，加埋之前屈福特個半場數據，都係揀「半場主客和」嘅和。
阿鵬
有線球彩台主持
電郵：[email protected]