世界之大可以話無奇不有，可能網友睇得多漫畫或者科幻小說，居然有個投票Post題目係「你覺得邊一類人已經出現咗，而隱藏喺世界其中一個角落？」選擇有好多，好似由外星嚟嘅生命體、某隱居嘅科學家製造出嚟同人類完全一樣嘅AI機械人、未來人、意外地嚟到現代嘅古代人、超能力者、宗教未曾記錄過嘅神……大部份都係幻想、電影情節有關嘅，究竟網友信乜呢？有兩成人信外星人已經進駐咗地球（超人？），有18%嘅人就信呢個世界有超能力嘅人（美劇《Heroes》中的IsaacMendez？），跟住第三位係因科學意外而擁有特殊能力嘅變種人（蜘蛛俠？），最少人信嘅係意外地嚟到現代嘅古代人，都有成6%。無論如何我最鍾意都係網友魔界小猿Post嘅另類答案──賤人！
記者：區佩嫦
網址： http://www.uwants.com/viewthread.php?tid=3113053