究竟係電視定相架，相信連開發者都未必分得清，雖然呢個RCAEF9010P內置PAL電視接收器，不過以只有10.4"屏幕來睇電視，又真係委屈咗些少，所以都係視佢為「可以睇到電視」嘅相架！除咗天線頭，另外還內置AV輸入同輸出插頭，代表相架內相片可輸出到大電視去欣賞，比起上代玩法加多咗唔少。EF9010P解像度為640×480，以10.4"屏幕來講解像度已相當高，可視角度亦夠全面，作為電視或睇相，質素都相當不俗。另外，相片解像度提高到1,200萬像素JPEG，具備MS、SD同MMC三種卡槽，同樣可以加插MP3作SlideShow播放，雖然功能都算齊全，不過模式如果能加入更多變化就更好。
記者：許福合
查詢：冠恒集團（31851030）