AC米蘭喺歇冬前傳過將帥不和，講到更衣室氣氛差得好交關，而當時「達叔」哥斯達古達就被傳係攪事份子，吓吓針對教練安察洛堤。前日，呢位球會老臣子終於承認恨做AC米蘭教練恨咗好耐，講到出口想同「肥安」爭，波迷嚟緊有好戲睇嘞。又係嘅，睇見同輩嘅文仙尼教國際米蘭教得咁過癮，「達叔」技癢一啲都唔奇，想以教練身份捧吓盃。