香口膠應該嚼多久？每個人有不同答案，網友keith@兵工廠在HKTAKForum中建議大家，咀嚼香口膠別超過15分鐘，否則或會影響健康。他引述醫學專家指：「大部份口香糖是以蔗糖為甜味劑，咀嚼時糖份會長時間在口腔內停留，口腔中產生酸性物質，對牙齒產生腐蝕、脫鈣，從而誘發齲齒。」
口水中和口腔酸性
本港牙醫王醫生說：「係咪真係咁我就真係唔清楚，不過食得糖多就肯定會蛀牙。」他說，選擇不含真糖成份的香口膠來咀嚼，可以減少蛀牙機會：「因為咀嚼時會透過磨擦潔淨牙齒表面，同埋咀嚼時口水分泌多啲，而口水係鹼性，可以中和口腔嘅酸性，減少蛀牙。」但物極必反，他呼籲市民不要長時間咀嚼香口膠，以免造成口腔肌肉過勞、牙骱易鬆，及磨損牙齒表面。其實，只要減少每日進食次數、飯後漱口、早晚刷牙及少吃糖份食物，已有助防止蛀牙。