不論比賽抑或喜慶活動，有傳統的學校都會搞大，起碼有舊生可以撐場，又出錢又出力者甚眾。話說英華書院前日喺尖沙咀大搞籃球精英賽冠軍的慶功宴，席上有自助餐，之後更有餘興節目通宵卡拉OK。
據知有20幾個球員及舊生到場，每位花費約400蚊，加加埋埋起碼成萬蚊落樓，即係食咗普通一個香港打工仔1個月人工；但有位舊生好念舊情，一個人出錢請晒班後輩！真夠豪氣！羨慕死其他學校嘅同學仔。
雖然唱K消遣好似好平常，你同我高興嘅時候都會去唱K慶祝，但原來去唱通宵K當慶功係英華嘅第1次。對他們來說，有冇鮑魚同魚翅食唔緊要，年輕人最緊要開心好玩，所以學校就從善如流，一於唱K開心吓。至於有無老師陪？聽聞好似無啦。