徐子珊：「死啦，我開始有少少鍾意咗佢㖭!」縱使我也是個女孩子，也不得不說女人是種善變的動物；未試車前，曾問一身短褲仔、背心、Set了一個靚髮型的她喜不喜歡開篷車，她答道：「其實喺香港我係唔會考慮買開篷車，就算係買都只係因為貪靚；但喺美國就唔同，美國揸開篷車塊擋風玻璃高得可以擋風，至少唔怕會把Set好的頭吹亂，浪費髮型師的一番心血。」可是，怎也料不到她跟JaguarXK8Convertible來了一次短短30分鐘的試車約會後，竟把自己先前所說的完全推翻。看來XK8這部開篷豪跑，確實有其冧人之處！
記者：黃婉冰
攝影：陳陶鈞
最愛型格跑車
林寶、拉利？NoWay！
訪問前例牌問一問子珊：「你想試咩車呢？」得來的答案既簡單且直接，「雙門、有型嘅跑車就得㗎啦！」雙門型格跑車？好多選擇喎，Lamborghini？Ferrari定還是JaguarXK8呢？結果最後選了有型、雙門、又易Handle的XK8，因為愛追求速度感的子珊，喜歡跑車的同時，卻不愛剛陽味太重的款式：「我好鍾意雙門嘅型格跑車，但外形要好Smooth、好流線型嗰款，好似呢部XK8，又或者係Mercedes-BenzSLK咁，而且仲要係銀色，因為銀色較易襯衫，Lamborghini、Ferrari？個款太男仔啦。7人車我都麻麻，因為我覺得女人揸7人車唔好睇，呢種車係要有司機揸先夠型！」連哪種人襯哪一款車也甚有研究，果然是玩車一族！
大讚SportMode
2波可起步
起初聽見子珊語氣好似對開篷跑車興趣不大，心諗：「弊傢伙，捉錯路！」但也要頂硬上繼續問她，為何會對開篷車不感興趣；此時，才知道她對開篷跑車有另一番見解：「我覺得揸開篷車一定要喺Sunday由情人揸去海灘，好似成日睇戲見到嗰啲畫面咁，個Picture好靚，好Relax。」但不久，她又有少許擔心地問道：「一陣間揸開篷車會唔會吹亂個頭㗎……」
可是，萬料不到試車後的子珊，卻變得像另一個人，先前的憂慮一掃而空：「部車好易Handle，頭先一路上都唔係好多車，空氣又算OK，唔會話聞到好多死氣，尤其是回程喺天橋時啱啱日落，嗰種感覺好Relax，佢塊擋風玻璃又夠高，一路上啲風都係由側面吹過嚟，唔會吹到個頭，好舒服。」
試車期間，我和攝影師坐另一部車緊隨其後，整個路程只要一有直路或少車一點，她就會急不及待加速，就連其經理人都話：「佢手車辣㗎！」以一個女仔第一次開着有300匹馬力的跑車來說，的確有點辣。「部車好Smooth，雖然佢個1波開頭好似柔咗少少，但再踩深少少，佢即刻又變得好爽快，我都有試過佢個SportMode，但好得意喎，用SportMode一開車起步已經係2波，但個感覺又爽好多，好Smooth，而且可以用+/-波拖波入彎，好好玩，我自己架車都係+/-波。我鍾意揸開篷車，我𠵱家會開始考慮啦！」剛剛才說不會考慮開篷車，一時又話鍾意，看來XK8果真有幾道冧人板斧喎！
揀車要有靚聲
開住篷聽歌最正
自小愛跳舞的子珊，除擁有一身好「舞」功外，亦令她練出了一對靈耳，就連揀車也要將靚聲列入考慮範圍：「我自細已經學跳舞兼好鍾意音樂，所以我對車嘅音響係有要求㗎；但所謂嘅要求唔係話要炸到心跳嗰種，最緊要係啲聲靚，唔好有太多雜聲，所以車廂隔音都好重要。我朝早起身通常會聽一啲輕鬆嘅歌，我會一邊聽一邊唱，順便開開聲，講對白都好啲嘛，收工日落時份我就會聽啲輕鬆嘅歌Relax吓。」既然對音響、車廂隔音咁講究，試車時即時借來一隻音樂CD，讓她試試開篷跟關篷後的音響效果；試完後，答案又一次令我驚訝：「我覺得開篷聽歌最正，其實佢車廂隔音OK㗎，但始終透到少少聲，尤其是後面聽到嘅車聲會較多，反而開住篷聽，啲聲好似圍住我咁，個Stereo嘅高音好好聽，完全合格。」
JaguarXK84.2Convertible規格
引擎：4,196ccV8DOHC
馬力：300bhp/6,000rpm
扭力：420Nm/4,100rpm
傳動：6前速半自動波
售價：$1,498,000
車輛提供：積架香港（25200989）