布力般流浪上周六聯賽，憑摩頓柏達臣梅開二度以及小將達比舒利「埋齋」，作客大勝曼城3:0，取下近5場聯賽嘅第4場勝利，走勢強勁，可惜佢哋付出沉重代價，荷蘭中堅奧查上半場俾曼城前鋒哥拉廸意外壓斷韌帶，佢爸爸賽後即時宣布囝囝提早收「咧」！布力般後防兵源緊迫，短暫影響可能唔大，但遲啲歐協盃開番，領隊曉士真係頭都大埋喇！