前晚英超最令人驚喜球員非沙維亞莫屬，佢頂入保頓嗰球夠晒功架，我求大俠賽後一click入「米堡」官方網，張大相就係領隊修夫基攬實沙維亞，真係威過威士忌，同佢之前因為被指服禁藥而停賽超過1年，真係差天共地。沙維亞近期表現特別勇猛，我求大俠相信係佢想博到張長期飯票。總之嚟緊「米堡」比賽開首球，千祈咪忽略佢。