出道10年終被肯定，難怪何韻詩如此激動。她前晚在紅館舉行尾場演唱會，面對歌迷的熱情，回顧過去經歷的辛酸，令她在台上三度落淚，更不時向四面台鞠躬，多謝觀眾及父母的支持，唱《勞斯．萊斯》時，阿詩更泣不成聲。
何韻詩一連兩場的「One.TelWeStandAsOneHOCCLiveinUnity 2007」演唱會，前晚在紅館圓滿結束，梁漢文和女友Karen、蘇永康、蔡一傑及何韻詩的父母都有捧場。首場演唱會中，阿詩真空上陣穿藍色透視連身長褲，隱約露出微波南半球，前晚她在衫內穿藍色tubetop打底，收起性感。
歌迷和唱
阿詩前晚三度落淚，她感觸說：「近排多頒獎禮，啲新聞對我嚟講好麻木，每個頒獎禮都寫我哋爭啲乜，有好多是非，歌手係咪為獎而唱歌，直到今日出面無論發生乜事對我都唔重要，因為有你哋。」說完即向觀眾鞠躬，再向父母致謝，唱歌曲《勞斯．萊斯》時兩度落淚，最後更泣不成聲，歌迷隨即為她和唱，場面感人。
少笑多慮
其後阿詩說：「近幾年有朋友歌迷擔心我，話我冇以前笑得咁多，以前無牽無掛唔識死，但𠵱家好多顧慮，不過大家放心，雖然我近年笑少咗、認真咗，但我個心好enjoy。」
安哥環節後，阿詩突然宣布特別嘉賓出場，原來嘉賓仍是她自己，她唱着《上海灘》出場，因為對尾場難捨，她要求現場歌迷即席點唱，演唱會至晚上12時才結束。阿詩隨後在大華酒店與老闆林建岳舉行慶功宴，她謂個唱超時，應會被罰六位數字。
採訪：駱華齡 攝影：陳志嵐
