棺材一向都唔係好嘢，上網見到有網友求橫財，居然有人教向住屋企門口放兩個柳州迷你棺材仔，嘩！聽到都好邪喎！求財點解要放棺材呢？玄學家方海閱師傅話，棺材的「材」同「財」同音，打橫放嘅棺材就同「橫財」一樣音，係取其意思，呢啲係自製風水陣。覺得邪，唔係咁夠膽放棺材仔，仲有冇其他辦法？當然有啦！喺風水學上橫財屬偏財的一種，只要搵到偏財位，放個簡單嘅催財擺設咁就得㗎啦！豬年嘅偏財位喺正北，可以放隻貔貅，或者放一啲藍色或金屬嘅物品喺嗰個位置，咁就有催財嘅效果，無謂喺屋企擺個棺材咁唔「老黎」啦！
記者：區佩嫦
網址： http://www12.discuss.com.hk/viewthread.php?tid=3157113&extra=page%3D1