最討厭嗰啲見一個愛一個、自以為係情聖嘅男人，講到尾佢哋咪係花心鬼！好多女人對花心男都恨之入骨，喺網上搵到一個對付花心男嘅咒語，一於齊齊聲討呢班討厭鬼！咒語所需嘅物品包括花心男嘅衫和相、沙、黑線、綠色筆，仲要喺滿月之夜，一個無人嘅地方，將沙、相片放入衫內，包好後用黑線將四邊縫合，並在衫用綠色筆畫上一隻癩蛤蟆，跟住曬一晚月光，最後掉落垃圾桶就搞掂。方法好簡單，但究竟掂唔掂呢？對西方咒語有研究嘅Ella話，呢個方法唔掂，首先想對方無好下場嘅咒語係唔會喺月圓之夜做；其次落咒所需嘅嘢通常都係天然嘢，筆已經唔得啦！第三，呢個魔法無冥想、講咒語程序，有幾Work真係成疑啦！若果唔怕無用，又對曾經拋棄你嘅Ex恨之入骨，不妨當發洩試一試囉！
記者：區佩嫦
網址： http://failforum.net/forum/viewthread.php?tid=394130