提起林韋辰（Gilbert），當然會諗起跟張文慈大鬥演技嘅《爸爸兩邊走》，雖演技令人擊節讚賞，不過其公子形象實在深入民心；官仔骨骨，架副金絲眼鏡更覺成熟有修養，「師奶殺手」當之無愧！去到無綫又如何？拍過張可頤做《九五至尊》、陳錦鴻做《心理心裏有個謎》，依然西裝筆挺，「兩台左右走、仍係西裝友」！Gilbert喺公仔箱曝光率唔算少，出外景拍戲更係家常便飯，每次佢必定揸愛驅VolkswagenTouareg出差，「呢部Touareg真係陪我走過唔少地方，出外景不論平路定爛地，一樣咁定咁穩陣，唔使煩！」
文：TigerL
攝影：譚盈傑
SUV車種在市場上選擇愈來愈多，不同牌子的車系也先後推出，有價錢公道的ToyataRAV4，亦有頂級超豪華的RangeRover，當然少不了BenzML、BMWX5和PorscheCayenne等，但一提到Porsche，馬上令人聯想到VolkswagenTouareg，這兩、三年間在路上不難見到Touareg的蹤影。論實用性，因全天候四驅系統關係，和Cayenne同一底盤，上山下海無所不能，而擁有7人空間的車廂，舒適度也絕不成疑，呢點最得Gilbert歡心：「車櫳嘅配置同座位Cutting，根本就係Porsche嘅Design，但價錢比波子平好多，我會畀85分！」
眾多車款獨愛SUV
「我以前揸過好多車，早期就有維他奶（SuzukiVitara）Jeep仔，之後有好舒適嘅BenzC280，又試過揸PorscheBoxster，不過得兩個位，坐多個人都唔得，後尾喺網上見到呢架TouaregSUV，發覺性能同款式上都好啱我心水，所以最後就買咗呢部Touareg喇。」
除代步，汽車也可以用來遊車河減壓。Gilbert就很喜歡做運動減壓，「做運動除咗可令身體更健康，仲可增強腦部思考，當你集中精神做運動時，體內會分泌激素，令你工作時腦筋更清醒兼提高集中力。」連揀車都同運動有關，「揀Touareg原因，除出外景時毋須顧慮工作地點係好路定爛路、泊車有冇問題外，最重要係幫到我做運動，好似我鍾意打Golf咁，就要去偏遠少少嘅地方，例如落馬洲，有架SUV就算剷上山都唔怕。」
大車裝細車
眾多運動中，原來Gilbert很喜歡踏單車，他的Touareg曾經試過一口氣放下7架單車咁多！而且車頂個架就係為咗可以載單車而Set上去。拍攝當日，小記發現車尾放下不少運動用品，如羽毛球拍、Golf用具和摺合單車等，阿辰更即場示範5秒將摺合單車還原！「有架單車真係好方便，Size唔大又唔重，你知啦，有時拍攝地方同泊車地方分開好遠，有架單車唔使行得咁辛苦。」
「一啲好瑣碎嘅嘢佢都照顧到，例如泊好車唔記得關車頭燈，佢就自動幫你Switch-off，好人性化！所有配備都以人為本，難怪喺歐洲攞咗SUV汽車金獎，實至名歸。」真要雞蛋裏挑骨頭，阿辰也有微言，「始終歐洲車電子零件多，小毛病就一定有。被我扣少少分嘅地方，就係我打開Golf，男人用嘅桿Size就長43吋，但係尾廂就只得42吋，爭少少而唔能夠平放，有點美中不足。」
運動型充滿豪氣
Touareg是Volkswagen打正SUV旗號而推出的新車，不但內外也散發濃厚的豪華氣派，分別是3.2公升V6跟4.2公升V8的引擎配搭，也為用家帶來強勁的加速表現；此外，車子所配備的4XMotion恒式四驅系統，用來行走Offroad路段實在適合不過。
VolkswagenTouareg3.2V6規格
引擎：3,189c.c.V6DOHC
馬力：241ps/6,200rpm
扭力：31.6kgm/3,200rpm
傳動：6前速Tiptronic半自動波，恒式四驅
當年新車價：$550,000起
現時二手價：約$420,000起