鄭希怡（Yumiko）昨日到澳門英皇宮殿娛樂場，擔任抽獎嘉賓，她更送出多張個人唱片作抽獎禮物。
公司雖安排了多位保安員護駕，但站在高處的圍觀者中，有男士全程盯着穿上紅色吊帶裙的Yumiko，更有人用手機狂拍照，幸好她彎腰抽獎時醒目地用手遮胸，其後穿梭於大堂時，她都小心翼翼以手護胸。
Yumiko說：「我都知呢個場地好多人，但唔知道上面有人影，助手原來提過我，但我都唔知。𠵱家我已經小心咗好多，入面着tubetop打底。」
賭癮發作
此外，自言沒有賭運的Yumiko覺得新一年運程甚佳，她說：「早幾日嚟澳門拍戲，睇電視見到賽馬，我覺得有隻馬好靚，個工作人員話同我夾錢買位置，最後贏咗200蚊！所以一陣可能拎500蚊玩吓，但唔會拎太多錢喇，怕輸身家呀！贏咗仲要即刻走割禾青，其實貪個意頭，長磨落去我驚輸。」
採訪、攝影：王連連