導演湯泰華花咗唔少心思去用畫面表現「香味」，大家不妨留意導演為表達18世紀巴黎嘅腐臭，用咗黑色嘅煙煤、17噸嘅死魚同動物屍體淹沒巴塞羅拿外景場地。為咗讓街道充塞好重嘅汗味，佢仲禁止成千個臨時演員沖涼，真係惡頂！當主角去到法國嘅普羅旺斯，畫面就充滿色彩，啲人吸入嘅都係薰衣草地散發出嚟嘅誘人香氣，睇過套片嘅觀眾竟然話可以喺畫面度聞出味道，認真神奇！