一對戀人會有爭拗和生活困擾，如果任何一方不理解或包容，當然很快會鬧分手，但分開以後，尋尋覓覓，發現不能失去對方時，兩口子很自然會愛火重燃。陳慧琳和男友Alex經過分手風波，當然更珍惜對方，願許諾一同踏上婚禮紅地氈，相伴一生。 撰文：陳月媚
事業篇：歎歌手被玩
說話一向坦率、不平則鳴的Kelly，日前出席完無綫的《2006年度十大勁歌金曲頒獎典禮》後對賽果不滿，即毫不留情炮轟無綫及唱片公司沒有盡力。
頒獎禮欠質量
其實Kelly對香港幾個樂壇頒獎禮早已感到失望，她說：「樂壇頒獎禮應該係用嚟鼓勵歌手，但𠵱家嘅樂壇頒獎禮唔係去聯手捧紅歌手，反而係利用歌手嚟宣傳自己個台，畀獎個歌手係以自己個台嘅利益為大前提，其實係好唔健康，搞到歌手得獎多已經唔代表一定有質量，咁樣落去頒獎禮已幫唔到樂壇。我希望佢哋（主辦單位）唔好再玩啲歌手，𠵱家香港好嘅歌手已經愈嚟愈少，咁嘅局面令人擔憂！」
因為香港樂壇的不良氣候一直在惡化，聰明的Kelly早已轉戰內地和其他亞洲市場，現時她在內地和日韓均已建立一定知名度。Kelly也承認主力已不在香港市場：「香港樂壇愈嚟愈難做，但我唔會完全放棄，因為香港始終係我嘅家，所以一年最少都會出一、兩隻碟，但主力就一定係內地，始終個市場真係大好多。」
討厭畀面派對
Kelly續說：「呢兩年如果我唔係成日喺內地發展，我就肯定變做負資產！以前喺Paco（黃柏高）旗下，淨係幫啲電台同電視台做埋咁多免費畀面派對，個人真係好攰，但呢幾年轉戰海外市場，收入就比以前增加好多倍。」
今時今日Kelly坐擁億元財富，不擅理財的她將財政大權全交給父親。陳父在商場長袖善舞，將女兒的財富愈滾愈大，但Kelly仍不言退，她解釋：「我好希望自己做出嚟嘅作品可以俾人認同，如果有人讚就更開心，演到一部好戲同唱首好歌，真係好有滿足感。𠵱家我仲後生，點解唔繼續搵自己嘅興趣呢？」
問到今年發展大計，Kelly就說：「上年因為忙住做巡迴演唱會，所以冇乜時間拍戲，今年我希望可以擺番多啲時間拍戲。上半年我會先去韓國拍一部韓片，飾演啞女，遲吓我要開始學韓國手語；到下半年我會拍一部大型古裝片《江山美人》，男主角會搵海外有知名度嘅演員演出。」
攝影：仇志德
服裝提供：MarcByMarcJacobs
髮型：GeorgeShum
造型：Celia
