女子組合Twins、吳京及張茜昨日在觀塘宣傳主演電影《雙子神偷》，大會安排4隊有份演出電影的雙胞胎大耍功夫，其中一隊孖仔耍功夫時，險些踢到蔡卓妍（阿Sa）及鍾欣桐（阿嬌）面龐，兩人急忙閃避。
今天是阿嬌26歲生日，昨日大會安排了蛋糕和花提早跟她慶祝。問阿嬌是否收到第一個蛋糕，她稱日前fans已送上一個10磅蛋糕，她又說：「收到阿Sa送嘅第一份生日禮物。」阿Sa在旁補充說：「我送咗個袋王之王畀佢，係Chanel黑色漆皮袋，我自己都想買，但因為得一個，所以我有問佢借嚟孭吓。」
此外，問阿嬌早前跟她傳緋聞的台灣富商顧定明可有送禮物給她，她說：「冇呀，同佢真係唔係好熟。」問到生日願望，阿嬌說：「希望身體可以回復番20歲嗰時，因為𠵱家拉吓筋都覺得啲筋好硬。」
採訪：胡比
攝影：陳志嵐