每年聖誕後至農曆年間都是淡季，百貨業會大減價，旅行團亦有優惠價，想不到連演唱會都吹淡風。小天王Rain率先敗陣，門票滯銷。再睇睇紅館，一二月雖然旺場，老中青三代歌星開演唱會，年輕一派的有何韻詩、側田；樂隊有草蜢、溫拿；前輩級有蔡琴、呂珊。可惜暫時竟未見有全場爆滿的情況！
記者：黃潔蓮
何韻詩 開完又開衰懨悶
成日被評「梅姐上身」的何韻詩，不知明晚的演唱會又會否看到梅姐的影子？
死因：目前最貴的$400四連位，轉彎去到14行，正面要16行。20日銷情較好，貴價票正面已售罊，只餘轉彎位第20行以後。究其原因，何韻詩去年10月底才在紅館舉行過演唱會，事隔約3個月又搞，自然吸引力大減。
何韻詩2007演唱會
日期：1月19日至20日 票價：$400/$200/$100
蔡琴 賣靚聲前排無人吼
蔡琴演唱會由珠寶商贊助，入場可當睇珠寶展。
死因：兩場演唱會$100的正面票全部爆滿，只餘轉角位置。但尚餘大量$400的門票，大抵入場人士只旨在聽蔡琴的靚聲，也不計較是否坐得前。
蔡琴2007不了情經典歌曲香港演唱會
日期：1月23日至24日
票價：$400/$200/$100
草蜢 仲唱我們的80年代？
鹹魚翻生潮玩完又玩，聽眾真的那樣懷念80年代？
死因：去年9月才開過演唱會，十年冇開演唱會，門票火速售罄。今年又再來，吸引力與新鮮感已減了一半。
草蜢演唱會2007
日期：2月1日至3日
票價：$400/$200/$100
側田 太急進
演唱會以愛情為題，除創作情歌外還有一系列經典英文冧歌。
死因：雖然原本兩場演唱會還未爆滿，$400票正面尚餘最前20餘行，側面最前的要坐第16行，但前日還公布加開2月10日一場。出道短短日子就同港樂玩乘，純屬個人意見還未夠班！
港樂×側田演唱會
日期：2月9日至11日票價：$400/$200/$100
溫拿 經典但欠新鮮
33年仲咁襟撈，係溫拿至有這種魅力。眾歌手中，算是最賣得的一個。
死因：年初一二三及尾場3月1日的$400靚位，已經賣得七七八八。不計較日子的話，26日至28日尚餘大量$400靚位選擇。雖然經典，但始終新鮮感欠奉。
溫拿33好時光演唱會
日期：2月18日至3月1日
票價：$400/$200/$100
買飛捧邊個？
＊所有售票情況，以1月16日截稿前為準。