鄭希怡（Yumiko）、周倩圯和石詠莉前晚以模特兒身份在銅鑼灣為手袋品牌Kipling行花生騷，出席欣賞的有陳道然（蘭子）、甄子丹太太汪詩詩及妹妹汪圓圓等。
Yumiko透露讀書時很喜歡用此牌子的背囊，當時她的背囊是藍色，而她的心儀對象用的是綠色背囊，她說：「當時大家只係交換咗個勾背囊嘅猩猩公仔，大家都冇拍拖，因為嗰時自己個樣似黃又南，又高，唔夠自信，所以唔夠膽去表白。」
隨夫外遊過年
汪詩詩同樣表示很喜歡這牌子的手袋，貪其內櫳多細格，近日她計劃下月和丈夫甄子丹及女兒一家三口去旅行，但目的地未定，她說：「因為老公拍緊《破軍》，佢新年有三日假，但唔想用嚟搭飛機，朋友叫我唔好去泰國，我就想去韓國，因為未去過，都鍾意睇韓劇，睇過《藍色生死戀》，覺得好好睇，不過因為要湊女所以平時冇乜嘢時間煲劇。」
採訪：魯萍
攝影：林德雄
