現年30歲嘅日本前鋒鈴木隆行，兩年前加盟咗由史杜高域做主席嘅塞爾維亞球會紅星後，表現不濟，球會周二宣布與鈴木各散東西；咁啱J-League嘅橫濱水手放走久保龍彥，周三免費簽入此子。對於香港球迷嚟講梗係喜訊啦，事關水手嚟緊大年初六會喺大球場鬥南華，球迷就好可能一睹鈴木嘅風采，一於用閣下雪亮眼睛，評價鈴木有幾多斤両！