好耐冇蒲頭嘅玖龍紙業（2689）董事長張茵又走出嚟！呢位中國女首富噚日參加咗一個由北大舉行嘅論壇，除咗閒話家常外，佢仲爆咗一個秘密，佢其實好鍾意俾人叫做中國阿信，因為覺得財富嘅積累，係要一步一個腳印咁積累，咁先至有成就感喎。
張首富仲話，喺20幾歲創業時睇到阿信嘅古仔，佢當時經已好鍾意，喜歡佢夠踏實。所以佢話若果同「廢紙女王」嘅稱號比較，佢就較鍾意俾人叫做阿信喇！不過，論壇上最令人驚喜嘅係，張首富特登搵埋佢阿媽齊齊亮相，兩人真係餅印一樣。
講開又講，沉寂咗一排嘅玖紙，佢嘅股價連升咗4個交易日，仲要升番去14蚊樓上，直迫舊年年尾做嘅14.4元高位，個勢真係一時無兩。努力啊！A貨阿信！